Blogging

Blogging Start Karne Se pehle Dhyan Dein 5 zaruri Batein

Hello dosto, ye post khaskar mai new bloggers aur jo log blogging shuru karna chahte hain ya fir shuru karne ja rahe hain unke liye likh raha hu.

 

Jo bhi new blogger hota hai wo bina soche samjhe apna blog bana leta hai. Aur fir uske bad jab wo successful nahi hota hai to fir udas ho jata hai.

Is liye aaj main aapko bataunga 5 important things before start Blogging.

1- Paise Ke lalch Me Blogging Start Na kare

Agar aapko blogging me interest nahi hai aur aap sirf paise ke lalach ki wajah se blogging start kar rahe hain.

 

To fir aap isme successfull nahi ho paenge. Ho sakta hai ki shuru shuru me aap thode bahut paise kama le.

 

Lekin bad me aap fail ho jaenge kyuki fir aapka intrest khatam ho jayega.

 

Ha agar aap blogging imandari se aur help karne ke liye karte hain.

 

To aap usse apne liye paise kama sakte hain.

 

Is liye dhyan de ki aap paiso ke lalach se blogging start na karein.

2- Apne Interest ko pehchane

 

Blogging shuru karne se pehle apne interest ko pehchane.

 

Bahut se log bina kuch soche samjhe TECH, SEO blog bana lete hain aur fir bad me unka uss feild me interest khatam ho jata hai.

 

To ab aap sochenge ki kaise jane ki kisme aap achhe hian?

 

Sabse best tarika hai ki aap blog banane se pehle apne blog ke liye 20-30 articles ke likhein with more than 500 words.

 

Isse ye hoga ki aap apne intrest ko aur apni writing skill dono ko pehchan jaenge.

3- Blogging Ke Liye Proper Time Table Banaye

 

Ye bhi ek dhyan dene wali bay hai. Aksar log blog bana to lete hain par apne blog ko regular check nahi kar pate ya fir blog ko regularly update nahi kar pate hain.

 

Isse jo readers hain wo bhi nlog me intrest kam lete hain. Aur blog ki ranking aur traffic dono par effect padta hai.

 

To jab aap apna blog banaye usse pehle aap apna daily routine ko dhyan me rakh kar aap apne blogging time ke liye ek time-table bana sakte hain.

 

Lekin sirf time table banane se kuchh nahi hoga aapko use folloe bhi karna hoga.

4- Blogging ke liye apna budget banaye

 

Ab aati hai bat blog ko banane ke budget ke liye.

 

Agar aap ek achhi family (matlab rich family) se belong karte hain aur hosting ke kharche ko afford kar sakte hain to fir aap hosting aur doamin name kharid kar apna blog wordpress par bana sakte ho.

 

Lekin Agar aap hosting ke liye paise afford nahi kar sakte hain to koi bat nai udas mat hoiye. Aap blogger par free blog bana sakte hain.

 

Aur jab aap blogging me achhe ho jaye to kuchh paise kama kar wordpress par move karde.

 

Lekin mera to yahi suggestion hai ki sabhi new bloggers apna blog blogger (blogspot) par hi banaye.

 

Aur jab blogging me ahha karein tab wordpress par move kare.

5- Apne Blog ke Liye Achhi Web Hosting aur Domain name dhundhe

Ye sabse last tip hai.

 

Jab aapne sab kuchh soch liya hai to fir aap apne blog ke liye badhiya domain name aur hosting find karein.

 

Aur blogging start karde.

 

Hosting kharidte samay dhyan de ki aap kisi achhi company se hosting kharide jiska customer support achha ho.

 

Kyuki aap ek new beginner hain agar aapko kahi problem ho to aap usse bahar nikal sako.

 

Last Words : To dosto niche comment karke zarur batein ki aapko ye post kaisi lagi.

 

Aur agar aapko kisi bhi topic se related problem hai to just comment below aur ham aapki help karenge.

 

Aur agar kisi new beginner ko koi problem hai to niche comment kare ya hamare facebook group mai punche.

 

aur agar aapko ye post pasand aayi to ise share karna na bhule.

 

Leave a Reply